Keflavík is now for sale

Keflavík is now for sale, if you are interested in this property please find the link below for more information
English download : more information here

Keflavík er nú til sölu, vinsamlegasta sækið sölu upplýsingar hér fyrir neðan
Íslenska sækja söluupplýsingar

Gölturinn

Galtarviti á Vestfjörðum stendur í Keflavík sem er vík út af Súgandafirði. Víkin snýr á mót opnu hafi og eru siglingar skipa tíðar fram hjá vitanum. Aðeins er hægt að komast til Keflavíkur gangandi, á snjósleða eða sjóleiðina þegar veður er gott.

"Enginn lýsir þögninni, sem umlykur Galtarvita, eitt afskekktasta byggða ból landsins. Hér er sú þögn, sem aldrei verður í fjölmenni, það er í henni hreyfing, ljúf og góð, sem helst má líkja við bylgjuhreyfingu túngresisins á lognkyrrum sumardegi".

Óskar Aðalsteins rithöfundur 
vitavörður á Galtarvita 1953 - 1977

 

Húsakostur

Íbúðarhús

Árið 2002 var hafist handa við uppbyggingu á íbúðarhúsi staðarins og er það verk langt komið. Skipt hefur verið um þak á húsinu, það tekið í gegn að utan og málað, bíslag húsins hefur einnig verið endurbyggt. Svo hefur töluverð vinna farið í viðgerðir og viðhald innanhús. Viðbyggingu húsins er nánast lokið.

Fyrirkomulag

Í húsinu er ágætt eldhús, stofa, baðherbergi og geymsluaðstaða. Í risi eru tvö svefnherbergi auk svefnpláss í viðbyggingu fyrir allt að 8 manns.

Þægindi

Í húsinu er gaseldavél, þvottavél, heit og kalt vatn, sturta og bað. Húsið er hitað með rafmagni og einnig eru til staðar öflugir gasofnar til að halda hita í húsinu. Hægt er að ná langbylgjusendingum útvarps á Galtarvita og eru tæki til hlusta á útvarp og að spila tónlist á staðnum. Ekki er hægt að ná GSM- símasamband nema með því að ganga upp á fjallið Gölt og vera í sjónmáli við Suðureyri eða upp á Öskubak í norður. Bæði um klukkutími og 30 mín. gangur frá íbúðarhúsi. Sjá kort - Næsta GSM símsamband á Galtarvita

Vélarhús

Olíurafstöð, sem getur framleitt rafmagn fyrir íbúðarhúsið, er í vélarhúsi nokkuð frá, þannig að einfalt er að hleypa rafmagni á húsið. Vatnstúrbína til rafmagnsframleiðslu er einnig í vélarhúsinu. Vatnið kemur úr stíflu uppi í hlíðinni og er leitt í pípu niður eftir. Túrbínan sem og stíflan þarfnast lagfæringar við, og er það eitt af framtíðarverkefnum vitans.

Útihús - viti

Nyrst á jörðinni er lítill hjallur og fjárhús. Gengt íbúðarhúsinu er fjós og lítil hlaða. Í undirbúningi er að breyta fjósinu í vinnustofu fyrir listamenn. Nærri 11 metra hár vitinn sjálfur stendur skammt frá íbúðarhúsinu sjávarmeginn og er hægt að fara þar upp og gá til skipa, veðurs eða fuglaferða. Þar er einnig ákjósanlegur staður fyrir áhugafólk og sérfræðinga í sjóndeildarhringum.

 

Sigling

Hægt er að fara sjóleiðina að vitanum í góðu veðri. Lendingin við Galtarvita getur verið varasöm ef sjór er ókyrr. Það tekur um 30 - 40 mín. að sigla frá Suðureyri við Súgandafjörð. 

 

Gönguleiðir

Frá Bolungarvík er um 20 mín. akstur út í Skálavík og þaðan er gengið yfir Öskubak (500 m.) og yfir í Keflavík, sem er um 3 tíma gangur. Einnig er hægt að ganga fjöruna, en leiðin um Ófæru er varhugaverð.